Allahu xh.sh thotë:"Tek Allahu mbështetuni, nëse jeni besimtarë."
Allahu xh.sh thotë:"Besimtarë të vërtetë janë vetëm ata, të cilëve kur përmendet Allahu, u rrënqethen zemrat dhe kur u lexohen ajetet e Tij, u shtohet besimi dhe që mbështeten vetëm te Zoti i Tyre" (Enfal 2) Allahu xh.sh thotë:"O Pejgamber!Të mjafton Allahu dhe besimtarët që të ndjekin" (Enfal 64)
Allahu xh.sh thotë:"E kush i mbështetet Allahut, Ai i mjafton Atij". (Talak 3) Nga Ibni Abasi ra.përcillet se ka thënë:"Neve na mjafton Allahu, Ai është Përkrahësi më i mirë!"e ka thënë Ibrahimi a.s. kur u hodh në zjarr dhe e tha Muhammedi a.s. kur i thanë:"Populli (idhujtarët) është tubuar kundër jush, pra keni frikë", ajo vetëm ua shtoi edhe më shumë besimin dhe thanë "Neve na mjafton Allahu, Ai është Përkrahësi më i mirë!"(Buhariu,Nesaiu)
Autori thotë:"Tek Allahu mbështetuni, nëse jeni besimtarë" dhe Ai me këtë ka dashur të argumentojë temën dhe të sqarojë se mbështetja është një detyrë që duhet të jetë e sinqertë vetëm për Allahun e Lartësuar që do të thotë:Tek Allahu mbështetuni dhe te askush tjetër.Pra nëse robi i mbështetet Allahut në të gjitha çështjet e tij fetare dhe të kësaj bote, duke përjashtuar të tjerët, sinqeriteti dhe mardhënia e tij me Allahun është e vlefshme. Imam Ahmedi thotë:"Mbështetja është punë e zemrës".
Imam Ibn Kajimi ra.thotë rreth kuptimit të ajetit të temës:"Ai (Allahu) e ka konsideruar mbështetjen tek Allahu një kusht të besimit, që tregon për humbjen e tij në rast se mbështetja humbet.Në një ajet tjetër Allahu xh.sh. thotë:"Musai tha:"O populli im!Nëse i keni besuar Allahut, vetëm Atij mbështetuni, nëse jeni të dorëzuar (vendimit të Tij) "duke e konsideruar mbështetjen tek Allahu argument të saktësisë së Islamit të tij.
Sa më shumë forcohet besimi i robit, aq më shumë forcohet mbështetja e tij dhe nëse besimi dobësohet, bashkë me të dobësohet edhe mbështetja tek Allahu.Nëse mbështetja është e dobët, ajo padyshim se është një argument i besimit të dobët të tij.
Shejhul Islam Ibn Tejmijje Allahu e mëshiroftë thotë:"Çdo njeri që i lutet një krijese apo që i mbështetet asaj do të zhgënjehet për atë që mendonte rreth saj, sepse ai është politeist:"Ai që i bën shok Allahut është sikur të bjen nga qielli e ta rrëmbejë shpendi, ose si ai që e hedh era e stuhishme në një vend të humbur" (Haxh 31)
Në një thënie përcillet nga imam Ahmedi në "Ez Zuhd"nga Vehb bin Munebih se ka thënë:"Në disa prej librave të Tij, Allahu xh.sh thotë:"Pasha forcën Time.Ai që kapet fort pas Meje, që për pak e bëjnë edhe qiejt dhe tokat me gjithçka ka mes tyre, Unë do ti siguroj me këtë një rrugëdalje dhe kush nuk kapet fort pas Meje, Unë do tia këpus lidhjet e qiellit, do tia shfaros tokën poshtë këmbëve të tij, do ta vendosë në boshllëk dhe do ta lë në dorë të vetvetes.Robit i mjaftoj Unë si përfundim.Nëse robi më qëndron në adhurim do ti japë përpara se të më kërkojë dhe do ti përgjigjem përpara se të më lutet.Unë i di nevojat e tij me të cilat sillem butë me të".
Në një hadith thuhet:"Nëse ziheni ngushtë në një çështje të rëndësishme thoni:"Na mjafton Allahu dhe Ai është Përkrahësi më i mirë." Nga kjo temë përfitohen disa çështje: 1-Mbështetja tek Allahu është prej detyrave të domosdoshme 2-Ajo është prej kushteve të besimit 3-Komenti i ajetit në suren Enfal dhe Talak 4-Pozita e lartë që ka kjo fjalë.E ajo është fjala e Ibrahimit a.s. dhe Muhammedit a.s. në kohë të vështira:"Neve na mjafton Allahu, Ai është Përkrahësi më i mirë!"
Shkruar nga Et Temimi Pregaditi Fitim Ismaili Mbështetja e të Lavdishmit a.xh. në shpjegimin e librit të TEUHIDIT |