Muslimanët e parë në mënyrë të ndryshme e kanë shpjeguar mëkatin e madh, mirëpo ato dallime nuk kanë që të mëdha. Qëndrimet e tyre rreth kësaj kanë qënë shumë afër njeri-tjetrit. Në sahihun e Buhariut dhe të Muslimit përmendet një hadith i Esh-Shabiut prej Abdullah ibn Amrit, se i Dërguari i Allahut sal-lallahu alejhi ue sel-lem ka thënë: "Mëkatet e mëdha janë: t’i përshkruash Allahut shok, padëgjueshmëria ndaj prindërve, vrasja dhe betimi i rrejshën.” [1]
Në një hadith tjetër qëndron se i Dërguari i Allahut sal-lallahu alejhi ue sel-lem ka thënë: "A dëshironi t’ju njoftoj për mëkatet e mëdha,” i pyeti tri herë. "Gjithsesi që duam o i Dërguar i Allahut”, i thanë ata. Ai ju tha: "T’i përshkruash Allahut shok, padëgjueshmëria ndaj prindërve” (ishte i mbështetur, dhe u drejtua dhe u ul dhe u tha): "Edhe të folurit e rrejshëm.” Aq shume këtë e përsëriti saqë menduam: "A do të ndalet.” [2]
Prej Abdullah ibn Mes’udit radijAllahu anhu transmetohet se ka thënë: "O i Dërguar i Allahut, cili mëkat është më i madh?” Ai tha: "Që Allahut i Cili të ka krijuar, t’i përshkruash dikë të ngjashëm me të.” Cili Pastaj: "Që ta mbysësh fëmijën tënd nga frika se ai ushqehet me ty.” "Më pastaj?” "Të bësh kurvëri me gruan e fqiut tënd.” [3]
Më pastaj Allahu azze ue xhel duke i vërtetuar fjalët e Pejgamberit sal-lallahu alejhi ue sel-lem, shpalli ajetin 68 të sures El-Furkan, në të cilin thuhet:
"Edhe ata që pos Allahut, nuk lusin Zot tjetër dhe nuk mbysin njeriun që e ka ndaluar Allahu, por vetëm kur e meriton në bazë të drejtësisë, dhe që nuk bëjnë kurvëri.”
Prej Ebu Hurejres radijAllahu anhu transmetohet se i Dërguari i Allahut sal-lallahu alejhi ue sel-lem ka thënë: "Largohuni shtatë mëkateve të mëdha.” "O i Dërguar i Allahut, cilat janë ato mëkate?”, pyetën ata që ishin prezent. "T’i përshkruar Allahut ndonjë shok, magjia (sihri), vrasja pa të drejtë, kamata, ngrënja e pasurisë së jetimit, ikja prej frontit të luftës dhe shpifja ndaj besimtareve të ndershme e të pafajshme – tha ai.” [4]
Mëkat i madh është çdo mëkat për të cilin me sheriat është caktuar dënim i caktuar në këtë botë, sikurse kurvëria dhe konsumimi i akoolit; apo çdo mëkat që është i penguar me dënim të ahiretit, sikurse ngrënja e pasurisë së jetimit, pirja prej enëve të argjendta dhe të arit, vetëvrasja, besimi i tradhëtuar e të ngjashme. Janë të vërteta fjalët e Ibn Abbasit: "Më mirë do të ishte të ishin shtatëqind, sesa të jenë shtatë.”
1] Buhariu, 6675; Muslimi, hadithin te Muslimi e transmeton Enesi radijAllahu anhu ku aty thuhet: "kavluz-zur” – dëshmia e rrejshme, në vend të "el-jeminul-gamus” – betimi i rrejshëm. Tirmidhiu, 3031; Nesaiu, 4011; Ahmedi, 6845. [2] Buhariu, 5976; Muslimi, 87; Tirmidhiu, 1901; Ahmedi, 19872. [3] Buhariu, 6001; Muslimi, 86; Tirmidhiu, 3182; Nesaiu, 4013; Ebu Davudi, 2310. [4] Buhariu, 2766; Muslimi, 89; Nesaiu, 3671; Ebu Davudi, 2874.
Përmblodhi: Ummu Sejf |