|
Obligimi i njeriut rreth Kaderit
Obligohet njeriu rreth Kaderit me dy çështje: E para: Të kërkojë ndihmë nga Allahu në kryerjen e veprave të lejuara dhe në largimin prej veprave të ndaluara. Të e lus Atë që t’ia lehtësojë e t’ia largojë vështirësitë, të
mbështetet në Të e të kërkojë mbrojtje prej Tij, e kështu
është i nevojshëm për të në kryerjen e të mirës e lënien e së keqes.
Thotë Muhammedi sal-lall-llahu alejhi ve sellem: "Kujdesu për atë që të sjell dobi. Kërko ndihmë nga Allahu e mos u bëj i dobët. Nëse të godet diçka, mos thuaj: sikur të veproja kështu, do të ndodhte kjo, por thuaj: Allahu e ka caktuar dhe çka ka dashur Ai ka vepruar. Sepse "lev-i"(sikur të...) e fillon veprimin e djallit”.
E dyta: Duhet të durojë në atë që e ka të caktuar e të mos dobësohet. Ta dijë se ajo është prej Allahut, të kënaqet e të dorëzohet. Ta dijë se ajo që e goditi, nuk do të mund të shmangej, e as ajo që është shmangur nuk do ta godasë. Thotë i Dërguari sal-lall-llahu alejhi ve sel-lem: "Dije se ajo që të ka goditur nuk do të mund të shmangej, e as ajo që të është shmangur, nuk do të godiste”. | 
NDRYSHO DIZAJNIN
