|
Pranimi i lajmeve të librave të mëparshëm
Jemi të bindur se lajmet të cilat ju ka shpallur Allahu, të Dërguarve të Vet në librat e mëparshëm, janë të vërteta pa farë dyshimi në to.
Kjo nuk don të thotë që të pranojmë atë që gjendet në librat që i kanë sot Ehli Kitabi(Jehuditë dhe kristianët), se ata janë shtrembëruar e ndryshuar e nuk kanë mbetur në origjinalitetin në të cilin i ka zbritur Allahu te të Dërguarit e Tij alejhimus salatu ves selam.
Ajo që e dimë sigurt nga ata libra është ajo që na ka lajmëruar Allahu në
Librin e Tij (Kur’anin) ku thotë:
36. Apo nuk është informuar me atë që është në fletushkat e Musait.
37. Dhe të Ibrahimit, që gjithnjë i plotësoi obligimet
38. (Që në to shkruan) Se askush nuk e bartë barrën e (mëkatit) tjetrit.
39. Dhe se njeriut nuk i takon tjetër vetëm se ajo që ka punuar.
40. Dhe se mundi i tij më vonë (ditën e gjykimit) do të shihet.
41. Pastaj ai shpërblehet me shpërblimin më të plotë.
(En-Nexhm-36,37,38,39,40,41.)
16. Po ju po i jepni përparësi jetës së kësaj bote,
17. E dihet se jeta e botës tjetër është më e dobishme dhe e përjetshme.
18. Vërtet, kjo (këshillë) gjendej edhe në broshurat e para:
19. Në broshurat e Ibrahimit dhe të Musait.(El A’la-16-17-18-19.)
Sa ju përket rregullave të tyre: Ato që gjenden në Kur’an jemi të obliguar t’ju nënshtrohemi, në dallim prej atyre që gjenden në librat e mëparshëm, së pari shikojmë se mos janë në kundërshtim me ligjin tonë, (e nëse janë) nuk punojmë me to, jo se janë të kota, por se janë të vërteta për kohën e tyre e ne nuk jemi të obliguar me ato ligje, se janë anuluar me ligjin tonë. E nëse përkojnë me ligjin tonë, atëherë janë të vërteta dhe ligji ynë e argumenton saktësinë e tyre.
| 
NDRYSHO DIZAJNIN
