Urina duhet kryer ulur. Aishja radijallahu anha, thotë: "Kush thotë se Pejgamberi, sal’allahu alejhi we selem, ka urinuar në këmbë, mos e besoni. Ai urinonte veç ulur”. (Transmeton Muslimi, Ahmedi, Ebu Dawudi dhe Ibn Maxhe)
Ai i cili urinon në këmbë nuk shpëton pa u spërkatur nga pikat e urinës. Por nëse e detyrojnë rrethanat, nuk ka problem nëse urinon në këmbë.
Hudhejfe, radijallahu anhu, thotë: "Unë dhe Pejgamberi sal’allahu alejhi we selem, po ecnim derisa u afruam pranë një muri prapa të cilit hidheshin plehrat e një fisi. U ngrit Pejgamberi sal’allahu alejhi we selem, në këmbë ashtu siç ngriheni ju, dhe urinoi. Unë u largova, por jo shumë larg. Pejgamberi, sal’allahu alejhi we selem, ma bëri me shenjë. U afrova dhe qëndrova mbrapa tij.” (Transmeton Buhariu, Muslimi, Ahmedi, Tirmidhiu, Nesaiu, Ebu Dawudi, Ibn Maxhe dhe Darimiu)
Hadithet nuk bien në kundërshtim me njëri – tjetrin. Aishja, radijallahu anha, na tregon se Pejgamberi, sal’allahu alejhi we selem, zakonisht kështu vepronte dhe ajo me të drejtë na tregon ato që ka parë në shtëpi. Ndërsa sipas hadithit tjetër lejohet urinimi në këmbë kur vendi ku duam të urinojmë nuk është i përshtatshëm për t’u ulur.
Dobi: Ibn Uthejmini thotë:
"Lejohet urinimi në këmbë në rast se plotësohen dy kushte:
1)Mosspërkatja me pika urine. 2)Largimi nga sytë e njerëzve” (Sherh el Mumtia Ala Zadi El Mustenkia)
Marrë nga libri: Kitabu el-Adab |