mesohu edhe ti |
Abdesi
Namazi
Allahu ju meshirofte
|
|
Shiko live |
Shiko Meken live 24 ore
Shiko Medinen live 24 ore
Shikim te kendeshem
|
|
statistika |
IP adresa Juaj: 18.117.186.92 Gjithsej në Onlinë: 1 Vizitortë: 1 Anëtarë: 0 |
|
|
Refuzimi i bashkëshortit në shtrat
|
Refuzimi i bashkëshortit në shtrat
Ekziston një numër i madh i haditheve ku thuhet se është mëkat i madh për gruan e cila e refuzon bashkëshortin e saj në shtrat atëherë kur ai e thërret. Disa nga ato hadithe do t'i citojmë më poshtë, ndërsa një gjest i tillë (i gruas) pas vetes tërheq pasojat vijuese:
1. Atë e mallkojnë melaiket
Imam Buhariu dhe Muslimi transmetojnë përmes Ebu Hurejres, radiallahu anhu, se i Dërguari i Allahut, salallahu alejhi ue selem, ka thënë:
"Atëherë kur bashkëshorti e thërret bashkëshorten e tij në shtrat e ajo refuzon t'i përgjigjet, melaiket e mallkojnë atë deri në të gdhirë (derisa të agojë drita)."
Imam Neveviu, rahimehullah, duke e komentuar këtë hadith ka thënë:
"Hadithi e ndalon rreptësisht gruan që të mos i përgjigjet bashkëshortit të saj në shtrat, natyrisht, nëse nuk ekzistojnë pengesa të arsyeshme ligjore islame (sheriatike). Madje edhe cikli mujor (tek femrat) nuk është arsye e vlefshme për mospërgjigje, sepse bashkëshorti mban të drejtën që të zbavitet me trupin e saj mbi kërthizë."
Engjëjt (melaiket) e mallkojnë atë grua deri kur ajo të qëndrojë në atë mëkat dhe deri kur bashkëshorti i saj ka nevojë për të, përveçse nëse pendohet ose i përgjigjet atij.
2. Allahu i Lartëmadhëruar hidhërohet me atë
Imam Muslimi shënoi se Ebu Hurejre, radiallahu anhu, transmetoi hadithin vijues të Muhamedit, salallahu alejhi ue selem, ku ka thënë:
"Pasha Atë në dorën e të Cilit është shpirti im, kur një njeri e thërret bashkëshorten e tij në shtrat, dhe ajo e refuzon, Ai në qiej hidhërohet me të, derisa bashkëshortit t'i kalojë hidhërimi."
Er-Ragibiu ka thënë: "Shejh Muhamed Bin El-Uthejmini thotë: Ky hadith ka porosi të ashpër ku thuhet se e mallkojnë melaiket, sepse është më keq kur Allahu të hidhërohet me një njeri, sesa kur e mallkojnë. Allahu na mbrojtë!"
3. Allahu nuk i pranon veprat e mira të saj
El-Hakimi dhe Et-Taberani kanë shënuar se Abdullah Bin Umeri, radiallahu anhu, transmeton këto fjalë të të Dërguarit të Allahut:
"Dy lloje të njerëzve nuk do t'u pranohet namazi: skllavit i cili ikën nga pronari i tij deri kur të kthehet dhe gruas rebele ndaj bashkëshortit të saj deri kur t'i nënshtrohet."
Duhet theksuar se burrit i ndalohet injorimi i paarsyeshëm i bashkëshortes dhe ndalimi i marrëdhënieve intime, sepse një gjë e tillë do të kishte pasoja të dëmshme. Nëse atë e bën pa asnjë shkak, atëherë është mëkatar ndaj Allahut, sepse në esencë të shkaktuarit dëm është e ndaluar. S'ka dyshim, se injorimi i bashkëshortes në shtrat është një gjë tepër e rrezikshme, veçanërisht sot kur sprovat janë më të shumta dhe kur është lehtësuar kryerja e gjërave të ndaluara. Pra, burri duhet t'i frikësohet Allahut të Lartëmadhëruar kur është në pyetje bashkëshortja e tij dhe të mos e nënshtrojë në sprova. Nëse injorimi i bashkëshortes është me karakter edukativ, atëherë një gjë e tillë nuk do të ishte e dëmshme, sepse i Dërguari i Allahut i injoronte bashkëshortet e tij në atë mënyrë saqë iu shkonte pas një muaji.
4. Me këtë nëpërkëmben të drejtat e Allahut
Përmes Zejd Bin Erkamit, Et-Taberani shënoi këtë hadith, ku i Dërguari i Allahut ka thënë:
"Gruaja nuk i kryen detyrimet ndaj Allahut, përderisa nuk i kryen të gjitha detyrimet ndaj bashkëshortit; nëse ai e thërret, edhe nëse qëndron mbi shalë, ajo duhet t'i përgjigjet."
Marrë nga libri: ''El-Kebairu bejnez-zevxhejni'. Me autor: Abdullah Ibën Sulejman El-Hubejshi.
|
|
Lexuar: 1257 | Shtuar nga: studio-islam | Data: 17-October-2010
|
|
|
|
Copyright © 2010 |
|